The news is by your side.

Advertisement

سعودی حکومت نے بڑی خوش خبری سنا دی

ریاض: سعودی حکومت نے عوام کو خوش خبری سنائی ہے کہ عالمی کورونا وبا کے خلاف جنگ میں مملکت نے بڑی کامیابی حاصل کرلی۔

سعودی وزیر اطلاعات و نشریات ڈاکٹر ماجد القصبی کا کہنا ہے کہ سعودی عرب نے وبا پر کافی حد تک کنٹرول کرلیا ہے، مملکت نے کورونا وبا سے نمٹنے کے سلسلے میں بڑی پیشرفت حاصل کی، اسکول کھولنے کے لیے بھی تیار ہیں۔

سعودی وزیر اطلاعات و نشریات ڈاکٹر ماجد القصبی

انہوں نے کہا کہ وبا کے خلاف بڑی کامیابی معاشرے کے تمام افراد کے سر جاتی ہے، سب نے مل جل کر تعاون کیا اور قیادت نے لامحدود وسائل فراہم کی، وبا کے خلاف ویکسین پہلی دیوار ہے۔

ڈاکٹر ماجد القصبی کا کہنا تھا کہ سعودی عرب کا معاشی شعبہ بھی وبا کی لپیٹ سے نکل چکا ہے لیکن دنیا اب بھی کورونا کی زد میں ہے، مملکت کی کامیابی اس بات کا ثبوت ہے کہ حکومت نے مؤثر حکمت عملی اپنائی۔

کورونا کے خلاف جنگ میں سعودی عرب کی اہم کامیابی

وزیر اطلاعات و نشریات نے بتایا کہ سعودی عرب میں 11 ملین سے زیادہ افراد دو خوراکیں لے چکے ہیں۔

مملکت میں 21 ملین افراد وہ ہیں جنہوں نے ویکسین کی پہلی خوراک لی ہے۔ وبا پر اسی طرح کنٹرول برقرار رکھنے کے لیے احتیاطی تدابیر پر عمل درآمد جاری رکھنا ہوگا۔

Comments

یہ بھی پڑھیں