ریاض: سعودی محکمہ پاسپورٹ نے ایک سوال پر جواب دیا کہ ‘جوازات’ کی سروس استعمال کرنے کے بعد فیس کی واپسی ممکن نہیں ہوتی۔
عرب میڈیا کی رپورٹ کے مطابق مملکت کے محکمہ پاسپورٹ وامیگریشن(جوازات) سے ایک شخص نے استفسار کیا کہ جوازات کی سروس استعمال کرنے سے قبل جمع کرائی گئی فیس کی واپسی کا طریقہ کار کیا ہے؟۔
جوازات نے وضاحت پیش کی کہ سروس حاصل کرنے کے بعد اسے استعمال کیا گیا ہو یا کیا جارہا ہو تو ایسی صورت میں فیس کی رقم واپس نہیں کی جائے گی۔
اگر سروس استعمال نہیں ہوئی تو بینک اکاؤنٹ کے ذریعے جس سے فیس جوازات کے اکاؤنٹ میں جمع کرائی گئی ہے، اسی کے ’ری فنڈ‘ آپشن کو استعمال کرتے ہوئے فیس واپس حاصل کی جا سکتی ہے۔
سعودی حکومت کی سفری پابندی، کب تک انتظار کرنا پڑے گا؟
خیال رہے کہ فیس واپسی کی کمانڈ دینے کے بعد ایک ہفتے کے اندر اندر اسی اکاؤنٹ میں رقم ری فنڈ ہوجاتی ہے، جس کے ذریعے فیس جمع کرائی گئی ہوتی ہے۔
سعودی محکمہ پاسپورٹ کی مختلف سرکاری خدمات پر فیسیں مقرر ہیں جن کی ادائیگی بینک کے ذریعے آن لائن کی جاتی ہے۔
