The news is by your side.

Advertisement

سعودی شہزادے نے نوٹس لے لیا

ریاض: سعودی شہزادے فیصل بن عبدالعزیز نے کتوں کے کاٹے سے ہلاک ہونے والی بچی کے واقعے کا نوٹس لے لیا۔

غیرملکی خبررساں ادارے کی رپورٹ کے مطابق سعودی عرب کے دارالحکومت میں خونخوار کتوں نے کمسن پر حملہ کرکے اسے ہلاک کردیا تھا، اس واقعے کا میئر ریاض شہزادہ فیصل بن عبدالعزیز بن عیاف نے نوٹس لے لیا ہے۔

رپورٹ کے مطابق فیصل بن عبدالعزیز نے ڈھائی سالہ بچی کی ہلاکت پر تحقیقاتی کمیشن سے 72 گھنٹے میں رپورٹ طلب کرلی۔ ایک گیسٹ ہاؤس کے باہر بچی پر پانچ کتوں نے حملہ کیا تھا جس سے وہ موقع پر ہی دم توڑ گئی تھی۔

پولیس کا کہنا ہے کہ گیسٹ ہاؤس میں ایک تقریب جاری تھی تاہم بچی کھیلتے ہوئے ہاؤس سے باہر آگئی جس پر کتوں نے حملہ کردیا اور وہ موقع پر ہی ہلاک ہوگئی۔

ریاض کے میئر نے فوری طور پر تحقیقاتی کمیشن بنا کر رپورٹ طلب کرلی ہے۔ خیال رہے کہ شہزادہ فیصل بن عیاف نے حکم دیا ہے کہ کمیشن 72 گھنٹے کے اندر رپورٹ پیش کرے۔

Comments

یہ بھی پڑھیں