The news is by your side.

Advertisement

لائسنس: سعودی شہری اور غیرملکیوں کو کیا کرنا ہوگا؟

ریاض: سعودی محکمہ ٹریفک نے رائج طریقہ کار وضع کیا ہے کہ جس پر عمل کرکے مقامی اور غیرملکی ڈرائیونگ لائسنس کی نئی کاپی بنوا سکتے ہیں۔

غیرملکی خبررساں ادارے کی رپورٹ کے مطابق سعودی عرب میں ڈرائیونگ لائسنس گم ہونے کی صورت میں نئی کاپی نکالی جاسکتی ہے، اسی حوالے سے محکمہ ٹریفک نے طریقہ بھی بتا دیا۔

محکمہ نے سماجی رابطے کی ویب سائٹ ٹوئٹر پر بتایا کہ کسی بھی شہری کا ڈرائیونگ لائسنس گم ہوجائے تو فوری طور پر پولیس اسٹیشن میں رپورٹ درج کرائے، یہ بھی بتانا ہوگا کہ لائسنس کب اور کہاں گم ہوا۔

ڈرائیونگ لائسنس کی نئی کاپی کے اجرا کی فیس اور ٹریفک جرمانے بھی ادا کرنا ہوں گے، بعد ازاں ڈرائیونگ اسکول میں ٹریفک آفس سے رجوع کرکے متبادل ڈرائیونگ لائسنس کے اجرا کی درخواست دینا ہوگی جس کے بعد نئی کاپی کا حصول یقینی ہوگا۔ دریں اثنا لائسنس میں توسیع کی درخواست بھی لازمی ہے۔

خیال رہے کہ سعودی عرب میں ٹریفک قوانین کا معیار پہلے سے کافی بہتر بنا دیا گیا ہے۔

Comments

یہ بھی پڑھیں