The news is by your side.

Advertisement

بہترین کمبی نیشن کے ساتھ دوسرا ٹیسٹ کھیلیں گے: اظہرعلی

کراچی ٹیسٹ کے لیے ٹیم میں ایک تبدیلی کا فیصلہ کیا ہے: سری لنکن کپتان

کراچی: قومی ٹیسٹ کرکٹ ٹیم کے کپتان اظہرعلی کا کہنا ہے کہ بہترین کمبی نیشن کے ساتھ دوسرا ٹیسٹ کھیلیں گے، وکٹ کو مدنظر رکھتے ہوئے ٹیم منتخب کی ہے۔

تفصیلات کے مطابق میڈیا سے گفتگو کرتے ہوئے اظہر علی نے کہا کہ کل کھیلے جانے والے دوسرے ٹیسٹ کے لیے بہترین حکمت عملی اپنائیں گے، ہوم گراؤنڈ پر جیتنا ضروری ہے، کھلاڑیوں نے فتح اپنے نام کرنے کے لیے جم کر پریکٹس کی ہے۔

فاسٹ بولر عثمان شنواری کو سری لنکا کے خلاف دوسرے ٹیسٹ سے باہر کردیا ہے۔

دریں اثنا سری لنکن کرکٹ ٹیم کے کپتان کرونارتنے نے پریس کانفرنس کرتے ہوئے کہا کہ کراچی ٹیسٹ کے لیے ٹیم میں ایک تبدیلی کا فیصلہ کیا ہے، وکٹ کی کنڈیشن دیکھ کر اسپنر یا اضافی پیسر کھلانے کا فیصلہ ہوگا۔

ان کا مزید کہنا تھا کہ سری لنکن بلے باز ڈومیسٹک سیزن میں اچھا کھیلتے ہیں، کرکٹ شیڈول بہت مشکل ہوتا جارہا ہے۔

خیال رہے کہ نیشنل اسٹیڈیم کراچی میں دس سال بعد ٹیسٹ کرکٹ کا میلہ سجے گا۔ پاکستان اورسری لنکا کی ٹیمیں کل سیریز کے دوسرے اورفیصلہ کن ٹیسٹ میں مدمقابل ہوں گی، میچ جمعرات کی صبح دس بجے شروع ہوگا۔

Comments

یہ بھی پڑھیں