سندھ حکومت کی الیکشن کمیشن سے بلدیاتی انتخابات ملتوی کرنے کی پھر سفارش

کراچی: سندھ حکومت نے کل بلدیاتی الیکشن ملتوی کرنے سفارش کیلئے الیکشن کمشنر کو ایک اور خط لکھ دیا۔

اے آر وائی نیوز کے مطابق سندھ حکومت نے الیکشن کمیشن کو ایک اور خط لکھ دیا جس میں حیدرآباد اور کراچی میں بلدیاتی انتخابات ملتوی کرنے کی پھر سفارش کی ہے۔

سندھ حکومت نے خط میں لکھا کہ ممکنہ دہشت گردحملے کے خدشات کو رد نہیں کیا جاسکتا، آرمی اور رینجرز کی مطلوبہ تعداد میسر نہیں ہوگی اس لیے بلدیاتی الیکشن ملتوی کی جائے۔

سندھ حکومت کے خط کا جائزہ لینے کیلئے الیکشن کمیشن نے اعلیٰ سطح اجلاس طلب کرلیا ہے جس میں سندھ حکومت کے خدشات پر غور کیا جائے گا۔

حکومت سندھ نے 16 میں سے 8 اضلاع میں انتخابات کے التوا کی تجویز دی ہے، جس میں کراچی کے 7 اور حیدر آبادکے ایک ضلع میں الیکشن ملتوی کرنےکی سفارش کی گئی ہے۔

Comments