The news is by your side.

Advertisement

افغانستان کے مسئلے کا حل مذاکرات سے ہی ممکن ہے‘ ملیحہ لودھی

نیویارک : اقوام متحدہ میں پاکستان کی سفیر ملیحہ لودھی کا کہنا ہے کہ نئی پاکستانی حکومت افغانستان سے تعلقات کواہمیت دیتی ہے۔

تفصیلات کے مطابق اقوام متحدہ میں پاکستان کی مستقل مندوب ملیحہ لودھی نے افغانستان کی صورت حال پر کہا کہ وزیرخارجہ شاہ محمود قریشی نے اپنا پہلا دورہ افغانستان کا کیا۔

پاکستانی سفیر نے کہا کہ وزیرخارجہ شاہ محمود قریشی کا دورہ افغانستان میں امن کے عزم کی عکاسی کرتا ہے۔ انہوں نے کہا کہ موجودہ حکومت افغانستان سے تعلقات کواہمیت دیتی ہے۔

ملیحہ لودھی نے کہا کہ افغانستان کے مسئلے کا حل مذاکرات سے ہی ممکن ہے، طالبان اورافغان حکومت میں سیزفائرسےامید پیدا ہوئی۔

اقوام متحدہ میں پاکستان کی مستقبل مندوب نے کہا کہ پاکستان افغان امن عمل کی شروعات کے لیے کوششوں کا حامی ہے، افغانستان پاکستان ایکشن پلان جامع مذاکرات کے لیے فریم ورک ہے۔

ملیحہ لودھی نے مزید کہا کہ داعش، ٹی ٹی پی سے افغانستان ، پڑوسیوں سمیت دنیا کوخطرہ ہے، لچک نہ دکھائی توسیاسی حل کے لیے مذاکرات التوا کا شکارہوسکتے ہیں۔

شاہ محمود قریشی کی اشرف غنی اور افغان ہم منصب سے ملاقات

یاد رہے کہ تین روز قبل وزیرخارجہ شاہ محمود قریشی نے کابل میں افغان ہم منصب سے ملاقات کے دوران کہا تھا کہ پاکستان اور افغانستان کے چیلنجز مشترکہ ہیں، مل کر نمٹنا ہوگا۔

Comments

comments

یہ بھی پڑھیں