The news is by your side.

Advertisement

36 ویں نیشنل جونیئر ہاکی چیمپئن شپ 2019 کا آغاز

لاہور: پاکستان ہاکی فیڈریشن کے زیر اہتمام 36 ویں نیشنل جونیئر ہاکی چیمپئن شپ 2019 لاہور میں شروع ہوگئی۔

تفصیلات کے مطابق 11 روز تک جاری رہنے والی چیمپئن شپ میں 19 ٹیمیں حصہ لے رہی ہیں، نیشنل ہاکی اسٹیڈیم میں منعقدہ چیمپئن شپ کی افتتاحی تقریب کے مہمان خصوصی صوبائی وزیر کھیل رائے تیمور بھٹی تھے، جن سے کھلاڑیوں کا تعارف کرایا گیا۔

اس موقع پر میڈیا سے گفتگو کرتے ہوئے صوبائی وزیر کھیل رائے تیمور بھٹی کا کہنا تھا کہ پاکستان کے قومی کھیل کی ترقی کے لیے ان کی خدمات ہر وقت حاضر ہیں، صوبائی حکومت اگلے مالی سال میں کھیل کے لیے خصوصی بجٹ رکھے گی۔ پی ایچ ایف انتظامیہ کو مارکباد پیش کرتا ہوں کہ تین سال کے بعد جونیئر چیمپیئن شپ کا انعقاد کرنے جا رہی ہے۔

ان کا کہنا تھا کہ کوئی گیم بھی پیسے کے بغیر نہیں ہوتی، آنے والا وقت پاکستان ہاکی کے روشن مستقبل کی نوید سنائے گا، پنجاب ہاکی ایسوسی ایشن کو جہاں بھی ہماری سپورٹ کی ضرورت ہوتی ہے ہمیشہ ان کے ساتھ ہوتے ہیں، وزیر اعظم پاکستان سے ملاقات میں انہیں ہاکی کے مسائل کے بارے میں آگاہ کیا جائے گا۔

انہوں نے بتایا کہ نیشنل ہاکی اسٹیڈیم کی ٹرف اگلے مالی سال کے ترقیاتی بجٹ میں تبدیل کر دی جائے گی۔

fb-share-icon0
Tweet 20

Comments

comments

یہ بھی پڑھیں