اس آئی فون کے پیچھے چھپی کہانی نے سب کو ہلا کر رکھ دیا!

اوٹاوا: کینیڈا میں چھے ماہ تک ندی میں رہنے والا آئی فون 11 صحیح سلامت دوبارہ مالکن تک پہنچ گیا، اس واقعے نے سوشل میڈیا صارفین کو ورطہ حیرت میں ڈال دیا۔

غیرملکی خبررساں ادارے کی رپورٹ کے مطابق یہ حیرت انگیز معاملہ کینیڈا کے صوبے برٹش کولمبیا میں پیش آیا۔ گودسی نامی خاتون کا آئی فون 11 چھے ماہ قبل کشتی سے ندی میں گرگیا تھا جس کے بعد انہوں نے اپنے موبائل کی واپسی کی امید چھوڑ دی، لیکن ایک تیراک نے خاتون کو حیران کردیا۔

جی ہاں! کلیٹن اور ہیٹر نامی تیراک جوڑے نے فون ڈھونڈ کر خاتون کے حوالے کردیا جو اب بالکل صحیح سلامت ہے لیکن چھے ماہ تک پانی میں رہنے سے اسپیکر خراب ہوگیا ہے۔

خاتون کا کہنا ہے کہ گزشتہ سال ستمبر میں کشتی میں سیر کررہی تھی لیکن توازن بگڑنے سے میرا موبائل پانی میں گرگیا تھا، غوطہ خور نے تلاش کرکے آئی فون 11 کی صفائی کی اور مجھ تک پہنچایا۔

خیال رہے کہ یہ تیراک جوڑا ندی اور دریاؤں میں گرے اشیا ڈھونڈ کر ان کی ویڈیوز بناتا ہے۔

Comments