ایک ایسے خطرناک سیریل کلر شوہر کی کہانی دنیا کے سامنے آئی ہے جس نے اپنی دو بیویوں کو قتل کیا جبکہ تیسری بیوی ڈر کے مارے فرار ہوگئی۔
بھارت کی ریاست بہار کے علاقے اورنگ آباد میں سبیلال پاسوان نامی شخص کے خلاف پولیس نے مقدمہ درج کیا تھا۔
پولیس کو اطلاع موصول ہوئی تھی کہ سبیلال پاسوان نے تیسری بیوی کو قتل کرنے کے بعد لاش جلا دی ہے۔
ملزم کو حراست میں لینے کے بعد جب تفتیش کی گئی تو پتا چلا وہ پہلی بیوی کو بھی موت کے گھاٹ اتار چکا ہے جبکہ اس کی دوسری بیوی ڈر کی وجہ سے فرار ہوگئی۔
سبیلال پاسوان کی تیسری بیوی کے اہل خانہ نے الزام عائد کیا ہے کہ اس نے چندراوتی کو جہیز نہ لانے پر قتل کیا اور لاش جلا ڈالی۔
مقامی لوگوں کا کہنا ہے کہ ملزم نے پہلی بیوی کو بھی اسی طریقے سے قتل کیا تھا۔ وہ دوسری بیوی پر بھی تشدد کرتا تھا جس سے تنگ آکر وہ اپنے بہنوئی کے بھائی کے ساتھ فرار ہوگئی۔