سورج رواں سال میں پہلی بار آج خانہ کعبہ کے عین اوپر ہوگا جس سے دنیا بھر میں قبلہ رخ کا درست تعین کیا جا سکے گا۔
نگراں فلکیاتی سوسائٹی انجینئر ماجد آل زاھرہ کا کہنا ہے کہ سورج کے خانہ کعبہ کے عین اوپر آنے کا سعودی وقت دوپہر 12 بج کر 27 منٹ پر ہوگا۔
نگراں فلکیاتی سوسائٹی کے مطابق سورج 90 ڈگری پر ہو گا۔ سورج خانہ کعبہ کے متوازی یعنی ایک ہی خط عمود پر آ جاتا ہے جس کی وجہ سے خانہ کعبہ اور کسی بھی مجسم عمارت یا دیگر اشیا کا سایہ نہیں ہوگا۔
- Advertisement -
پاکستانی وقت کے مطابق سورج 2 بج کر 27 منٹ پر خانہ کعبہ کے اوپر ہوگا۔
سورج کے خانہ کعبہ کے عین اوپر آنے سے پوری دنیا کے مسلمان قبلے کی سمت کا درست تعین قطب نما کے بغیر بھی کر سکتے ہیں۔
واضح رہے کہ سورج سال میں 2 مرتبہ ایک بار موسم گرما اور دوسری بار موسم سرما میں خانہ کعبہ کے عین اوپر آتا ہے۔
