ایڈنبرگ: والدین کی غفلت کا برا نتیجہ سامنے آگیا، کمسن بچی نے نشہ آور مشروب پی لی۔
غیرملکی خبررساں ادارے کی رپورٹ کے مطابق اسکاٹ لینڈ میں لاپرواہی برتنے پر گھر میں موجود دو خواتین کو چائیلڈ پروٹیکشن ایکٹ کی خلاف ورزی کے مقدمے کا سامنا ہے، مذکورہ عورتیں عدالت میں پیش ہوئیں۔
شیرخوار یا کمسن بچے ذہنی شعور سے نابلد ہوتے ہیں، انہیں وقت کے ساتھ ساتھ اچھے برے کی تمیز آتی ہے جس میں والدین کی تربیت بہت اہم ہوتی ہے، بچے کا خیال اچھے سے نہ رکھا جائے تو ایسے واقعات رونما ہوتے ہیں۔
شراب پینے سے انکار، شوہر نے بیوی کے منہ میں کانچ بھر دیا
اسکاٹ لینڈ کے شہر میڈلوڈھیان کی عدالت نے 22 اور 25 سالہ خاتون کی غیرسنجیدگی پر افسوس ناک واقعہ کی سماعت کی، پولیس کا کہنا ہے کہ دونوں خواتین پر چائیلڈ پروٹیکشن ایکٹ کی خلاف ورزی پر مقدمے کا سامنا ہے۔
تاہم اب تک یہ واضح نہیں کیا گیا کہ بچی کا ان دونوں خواتین سے کیا رشتہ ہے، البتہ یہ قیاس آرائیاں ہیں کہ ان میں ایک خاتون متاثرہ بچی کی ماں ہے۔ شراب پینے کے فوراً بعد کمسن کی حالت غیرہوگئی بعد ازاں اسے اسپتال میں طبی امداد فراہم کی گئی۔ پولیس نے بتایا کہ گھر میں موجود دیگر بچوں کو بھی تحفظ فراہم کیا گیا ہے۔
