نیویارک: وبائی مرض کروناوائرس کے پیش نظر اقوام متحدہ کی ٹاسک فورس نے دنیا کو خبردار کر دیا۔
تفصیلات کے مطابق اقوام متحدہ کی ٹاسک فورس کی جانب سے جاری کردہ رپورٹ میں کہا گیا ہے کہ اقدامات نہ کیے تو کروناوائرس کئی ممالک کی معیشیت کو لے ڈوبیں گی۔ ٹاسک فورس میں شامل 60 ایجنسیوں نے معاشی تباہ کاریوں باعث سنگین نتائج سے متعلق متنبہ کیا ہے۔
رپورٹ کے مطابق مشترکہ اور تیزحکمت عملی نہ اپنائی گئی تو غریب ممالک عدم استحکام کا شکار ہوں گے، کرونا کرائسز سے اکثر ممالک قرضوں کے بحران میں پھنس جائیں گے۔ اقوام متحدہ ٹاسک فورس نے غریب ممالک کے قرضے معطلی کی سفارش کردی اور کہا قرض دینے والے ادارے معطلی کا آغاز کریں۔
کورونا وائرس : تیل کی قیمتیں عالمی منڈی میں کم ترین سطح پر آگئیں
اقوام متحدہ ٹاسک فورس نے سفارش کی ہے کہ معیشت کے لیے ضرورت مند ممالک کی فوری مدد کی جائے، سپلائی چین برقرار رکھنے کے لیے مختلف معاشی پابندیاں ختم کی جائیں، کروناکرائسز سے نمٹنے کے لیے دنیا کی مجموعی پیداوار کا 10فیصدخرچ کیا جائے۔ صحت، انسانی ترقی اور سماجی برابری میں سرمایہ کاری کی جائے۔
ٹاسک فورس کی رپورٹ میں یہ بھی کہا گیا ہے کہ دنیا بھر میں چھوٹے کاروبار اور اداروں کو تحفظ دیا جائے۔
