پبلک سروس کمیشن کا ایک امتحان منسوخ ہونے کے بعد نوکری نہ ملنے کے ڈر سے نوجوان نے دلبرداشتہ ہوکر خودکشی کرلی۔
اس ترقی یافتہ دور میں حصول علم کوئی مشکل کام نہیں تاہم کہاوت کے مطابق اس کیلئے پاپڑ آج بھی بیلنے ضرور پڑتے ہیں۔
بھارت کی ریاست تلنگانہ میں ایک نوجوان نے ایسی ہی دن رات محنت کرنے کے بعد پبلک سروس کمیشن کا امتحان دیا ایک سال بعد حکام نے پیپر لیک ہونے اعلان کرتے ہوئے امتحان منسوخ کردیا۔
بھارت کے بی وائی نگر کے رہنے والے 32 سال نوین نامی نوجوان نے 11 جون کو دوبارہ امتحان منعقد کرنے کا فیصلہ سن کر دلبرداشتہ ہوگیا اور پھانسی لگا کر خودکشی کرلی۔
رپورٹ کے مطابق اہلخانہ کا کہنا تھا کہ اطلاع کے بعد نوین کو لگا کہ اس کی قسمت میں نوکری نہیں ہے جس سے پریشان ہوکر اس نے خودکشی کرلی، نوین نے گروپ 1 امتحان میں کامیابی حاصل کرتے ہوئے مین امتحان کے لئے منتخب ہوا تھا اور وہ مین امتحان کی تیاری بھی کررہا تھا۔
نوین نے ایک خودکشی نوٹ بھی لکھا جس میں کہا کہ میری موت کا ذمہ دار کوئی نہیں ہے، میں 6 سال سے نوکری کا انتظار کر رہا تھا، گروپ-1 کے امتحان کی منسوخی سے میں بہت مایوس ہوں مزید نوکری ملنے کا کوئی امکان نہیں ہے اس لئے میں زندگی سے بیزار ہو گیا ہے۔
