The news is by your side.

Advertisement

’پب جی‘ گیم کھیلتے ہوئے نوجوان زندگی کی بازی ہار گیا

نئی دہلی: دنیا کا مقبول ترین گیم ’’پب جی‘‘ کھیلتے ہوئے بھارتی نوجوان موت کے منہ میں چلا گیا۔

تفصیلات کے مطابق دنیا بھر میں مشہور ترین آن لائن گیم پب جی کے صارفین کی تعداد میں دن بہ دن اضافہ ہوتا جارہا ہے۔ اس گیم نے جہاں ماضی کے کئی گیمنگ ریکارڈ توڑے وہیں گیم کی دنیا میں اپنا منفرد ہونے کا اعزاز بھی حاصل کیا۔

غیرملکی خبررساں ادارے کے مطابق اس گیم نے بچے تو کیا بڑوں کو بھی اپنا گرویدہ بنا لیا ہے، تاہم اس کے منفی اثرات بھی مرتب ہورہے ہیں، بھارتی ریاست مہاراشٹرا سے تعلق رکھنے والا نوجوان پب جی کھیلتے ہوئے جان کی بازی ہار گیا۔

بھارتی شہرراج کوٹ میں موبائل گیم ’پب جی‘ پرپابندی عائد

گیم کے دوران مسلسل اسکرین پر نظر جمائے رکھنے اور شدت جذبات سے لبریز ہونے سے نوجوان کو ’’برین اسٹروک‘‘ دماغی فالج کا اٹیک ہوا۔ فوری طور پر اسپتال میں سرجری کے دوران ہی شہری کی موت واقع ہوگئی۔ پوسٹ مارٹم رپورٹ میں نوجوان کے دماغ کی رگ پھٹنے کا انکشاف ہوا ہے۔

پوسٹ مارٹم رپورٹ میں کہا گیا ہے نوجوان کی موت کی وجہ شدت جذبات سے لبریز ہونا اور شدید تناؤ بنی۔ دماغی ٹیشوز اسی وجہ سے پھٹے۔ خیال رہے کہ پب جی سے کسی کی موت نیا واقعہ نہیں اس سے قبل بھی متعدد بار ایسے واقعات سامنے آچکے ہیں۔

خیال رہے کہ گزشتہ سال ستمبر میں بھارتی ریاست کرناٹک کے بیل گاوی ضلع میں ایک اکیس سالہ لڑکے نے بپ جی نہ کھیلنے دینے پر اپنے باپ کی گردن کاٹ کر اسے قتل کردیا تھا۔

fb-share-icon0
Tweet 20

Comments

comments

یہ بھی پڑھیں