عدالت نے تھیٹرز کو رات ساڑھے 11 بجے تک کھلا رکھنے کی اجازت دے دی ہے جس کے بعد انہیں رات 8 تک بند کرنے کا نوٹفیکیشن واپس لے لیا گیا ہے۔
اے آر وائی نیوز کے مطابق لاہور ہائیکورٹ میں تھیٹرز کو رات 8 بجے بند کرنے کے اقدام کے خلاف درخواست کی سماعت ہوئی۔ جس شاہد کریم نے کیس کی سماعت کی اور تھیٹرز کو رات ساڑھے 9 سے ساڑھے 11 بجے تک کھلے رکھنے کا حکم دے دیا جس کے بعد تھیٹرز کو رات 8 بجے بند کرنے کا نوٹیفکیشن واپس لے لیا گیا ہے۔
عدالت عالیہ نے قرار دیا کہ اب اس پر کوٸی گفت وشنید نہیں ہو گی اور اسموگ کے خاتمے کے لیے ہمیں لاٸف اسٹاٸل تبدیل کرنا ہوگا۔
عدالت نے ریمارکس دیے کہ اسموگ کے خاتمے کے لیے لوگوں کو جلد سونے کی عادت ڈالنی ہوگی۔ عدالت یہ سب کچھ لوگوں کے لیے کر رہی ہے۔
یہ بھی پڑھیں: لاہور کے اسکول مزید 7 روز تک بند رہیں گے
لاہور ہائیکورٹ نے ساتھ ہی محکمہ ماحولیات کو آلودگی کے خاتمے کے لیے جلد رولز وضح کرنے کی ہدایت کی اور آٸندہ سماعت پر ڈی جی پنجاب ڈیزاسٹر منیجمنٹ کو ذاتی حیٹیت میں طلب کرتے ہوئے کیس کی مزید سماعت دو جنوری کو کی جاٸے گی۔
