The news is by your side.

Advertisement

کرپشن چھپانے کیلئے صوبہ بنانے کی باتیں کی جارہی ہیں،مصطفیٰ کمال

کراچی : سربراہ پی ایس پی مصطفیٰ کمال نے کہا ہے کہ شہر قائد کا مسئلہ فنڈز کی فراہمی نہیں انتظامیہ معاملات ہیں۔

ان خیالات کا اظہار پاک سرزمین پارٹی کے چیئرمین مصطفیٰ کمال نے اے آر وائی نیوز کے پروگرام الیونتھ آور میں گفتگو کرتے ہوئے کیا، مصطفیٰ کمال کا کہنا تھا کہ کراچی والوں کوصوبائی حکومت سے کوئی امیدنہیں ہے، حالیہ اعلانات سے کراچی کے مسائل حل نہیں ہوں گے۔

ان کا کہنا تھا کہ چیف جسٹس صاحب نے کراچی والوں کے مسائل کو سمجھا، آرمی چیف مصروفیات چھوڑ کر کراچی والوں کیلئے یہاں آئے۔

سربراہ پی ایس پی کا کہنا تھا کہ وزیر اعظم عمران خان نے کراچی کےلیے پیکج کا اعلان کیا، اب بھی شہر کےلیے کچھ نہ ہوا تو عوام کی مایوسی کہاں پہنچے گی۔

انہوں نے کہا کہ سیاسی عسکری قیادت کو 18 ویں ترمیم پر ملکر بات کرنی چاہیے، کراچی پاکستان کا معاشی حب ہے۔

سربراہ پی ایس پی مصطفیٰ کمال کا الگ صوبے کا مطالبہ کرنے والوں پر تنقید کرتے ہوئے کہنا تھا کہ کرپشن چھپانے کےلیے صوبہ بنانے کی باتیں کی جارہی ہیں، یہ سلسلہ 6 ماہ اور چلا تو کراچی میں امن و امان کی صورتحال کیا ہوگی۔

Comments

یہ بھی پڑھیں