The news is by your side.

Advertisement

‘ 4 سال کا کام انہوں تین دن میں کردیا کیا یہ جِن ہیں؟ ‘

پی ٹی آئی رہنما شہباز گل نے کہا ہے کہ یہ کہتے ہیں 4 سال سے میٹرو منصوبہ تاخیر کا شکار تھا، چار سال کا کام انہوں نے تین دن میں کردیا کیا یہ جن ہیں؟

پی ٹی آئی رہنما شہباز گل نے اسلام آباد میں میڈیا سے گفتگو کرتے ہوئے کہا کہ ہماری جھوٹ بولنےوالی باجی مشین کی طرح جھوٹ بولتی ہے، بی بی اتنی دیرمیں پینٹنگ سے بس نہیں بنتی جتنی دیر میں آپ نے منگوالیں، حقیقت تو یہ ہے کہ اسلام آباد میٹرو کی بسیں تو ایک ماہ پہلے آچکی تھیں اور ٹرائل بھی ہوچکا تھا۔

شہباز گل نے مزید کہا کہ کرائم منسٹرکو بیماری ہےانہیں نیند نہیں آتی، یہ قومی خدمت کیلئے نہیں جاگتے انہیں سکون ہی نہیں، جن کے ہاتھ سانحہ ماڈل ٹاؤن کےخون سےرنگے ہوں انہیں نیند نہیں آتی۔ کل کہتا ہےکہ دیا مربھاشا ڈیم 2026 تک مکمل کردوں گا، ہمیں بھی پتاہ وہ ڈیم کچھ عرصہ قبل ہی مکمل ہوجائیں گے، کرائم منسٹر اداکار سیاسی کارٹون ہے یہ روز ایسے تماشے کرے گا۔

انہوں نے کہا کہ ہمیں پتہ ہے کہ آپ نےغلط کام اور آئین شکنی کی ہے، ہمیں پتہ ہے کہ امریکی سازش پر تختہ الٹایا گیا ہے، چور ڈاکو باپ بیٹے کولاکر بٹھا دیا گیا جن پر اربوں روپے کے کیس ہیں، یہ وہ لوگ تھے جن کی ضمانتوں پر مہینوں فیصلے تک نہیں ہوئے، ایف آئی اے نے جو رپورٹ جمع کرائی اس میں نام نکال دیے گئےہیں، ایف آئی اے کے اپنے قانون میں چیزیں کلیئر ہیں۔

پی ٹی آئی رہنما نے مزید کہا کہ عوام کو پتہ ہے کہ مداخلت اور سازش کیا ہوتی ہے، پشاور، کراچی کا جلسہ ہو یا لاہور کا عوام نے بتادیا کس کیساتھ ہیں، یہ وطن عزیزہم سب کا ہے اللہ اسےانتشار سےبچائے۔

انہوں نے کہا کہ بلاول جب واشنگٹن گئے تو کیا طے ہوگیا تھا کہ وہ وزیرخارجہ بنیں گے؟ آپ بھی بیرونی وزیرخارجہ ہیں جوخواہش پر پاکستان پر تھوپا جارہا ہے، آپ تحفہ کیوں ہیں وہ کونڈو لیزارائس نے اپنی کتاب میں لکھ دیا تھا۔

شہباز گل نے یہ بھی کہا کہ کبھی عمرہ کرنے بھی گیا تو بتاکر جاؤں گا تاکہ آپ لسٹ میں نام ڈال دیں، میرے خون میں وفاداری ہے ڈٹ کرعمران خان کیساتھ کھڑا ہوں۔

Comments

یہ بھی پڑھیں