نئی دہلی : چوروں نے اسپتال کو بھی نہ بخشا، بھارتی میں لیٹروں نے رات گئے اسپتال سے کرونا ویکسین کی 1700 سے زائد خوراکیں چرالیں۔
بھارت میں کرونا کی بگڑتی صورتحال سے پہلے ہی شہریوں کا برا حال ہے یومیہ بنیادوں پر کیسز میں ریکارڈ اضافہ ہورہا ہے جب کہ ہلاکتوں کے باعث لاشوں کی تدفین و آخری رسومات کےلیے جگہ بھی ختم ہوچکی ہے۔
ایسی ہولناک صورتحال میں کرونا ویکسین کی چوری کی تصاویر سوشل میڈیا پر وائرل ہورہی ہے۔
ریاست ہریانہ کے ضلع جنڈ میں واقع کرونا ویکسینیشن سینٹر سے دو لوگوں کو کرونا ویکسین کی 1710 خوراکیں لے جاتے ہوئے دیکھا جاسکتا ہے۔
واقعے کی اطلاع ملتے ہی ویکسینیشن سینٹر کے انچارج نے اسٹور کا دورہ کرکے چوری کی تصدیق کی اور تحقیقات کا آغاز کیا۔
مقامی پولیس نے واقعے کا مقدمہ درج ہوتے ہی تحقیقات کا آغاز کردیا تھا تاحال کیسز میں کوئی پیشرفت سامنے نہیں آسکی۔
Haryana: 1710 doses of #COVID19 vaccine, including 1270 of Covishield & 440 of Covaxin, stolen from PPC centre at Civil Hospital in Jind, files stolen too. Centre’s incharge says, "I’ll also check our main store that keeps supply for entire district. I’ll also inform officials.” pic.twitter.com/QqAZqa23CM
— ANI (@ANI) April 22, 2021