The news is by your side.

Advertisement

سندھ میں کورونا ویکسین کی بوسٹر ڈوز کے تیسرے مرحلے کا آغاز

کراچی : سندھ میں کورونا ویکسین کی بوسٹر ڈوز کے تیسرے مرحلے کا آج سے آغاز ہوگیا، جس میں 80لاکھ افراد کو ویکسین لگائی جائے گی۔

تفصیلات کے مطابق سندھ میں کورونا ویکسین کے بوسٹر ڈوز کے تیسرے مرحلے کا آغاز کردیا گیا ، بوسٹرڈوز کیلئے تیسرے مرحلے میں کورونا سے بچاؤ کی ویکسین گھر گھر لگائی جائے گی۔

آج سے 19 جون 2022 تک بوسٹر ڈوزکی مہم جاری رہے گی ، اس مہم میں 80لاکھ افراد کو ویکسین لگائی جائے گی۔

وزیرصحت عذراپیچوہو کا کہنا ہے کہ سندھ میں بروقت ویکسین کی وجہ سے کورونا پر قابو پانےمیں مدد ملی ہے بہتر حکمت عملی کی وجہ سے99فیصدافرادکی ویکسین مکمل کی جاچکی ہے۔

عذراپیچوہو نے کہا کہ عوام بوسٹر ڈوز لگوا کر خود کو کورونا سے مزید محفوظ رکھ سکتے ہیں۔

خیال رہے پاکستان میں اگست تک کرونا کی 3 کروڑ سے زائد ویکسینز ایکسپائر ہونے کا خدشہ سامنے آیا تھا ، حکام کا کہنا تھا کہ اگست کے آخر تک ایکسپائر ہونے والی ویکسینز میں امریکی موڈرنا اور فائزر ویکسینز شامل ہیں۔

حکام کے مطابق پیر سے پورے ملک میں کرونا ویکسین کے بوسٹر ڈوز لگانے کی مہم شروع کی جا رہی ہے، اب تک پاکستان میں 12 کروڑ افراد نے کرونا ویکسین مکمل طور پر لگائی ہوئی ہے، جب کہ پورے ملک میں صرف 9 لاکھ افراد نے کرونا ویکسین کا پہلا بوسٹر ڈوز لگوایا ہے۔

Comments

یہ بھی پڑھیں