کون ہوگا جو ہمیشہ جوان رہنا اور بڑھاپے سے بچنا نہ چاہتا ہوگا۔ مرد ہو یا عورت، یہ خواہش طب کے پیشے اور کاسمیٹکس کی انڈسٹری میں بے شمار ایجادات کا سبب بنی۔
لیکن ماہرین نے حال ہی میں ایک ایسی شے کو بڑھاپے سے بچانے والی شے قرار دیا ہے جسے عام طور پر مضر سمجھا جاتا ہے۔
یہ شے کچھ اور نہیں بلکہ چینی ہے جو وزن میں اضافے اور شوگر جیسی بیماری پیدا کرنے کا سبب بن سکتی ہے۔
دا نیچر آف بیوٹی نامی جریدے میں شائع ہونے والے ایک مضمون کے مطابق چینی میں موجود اجزا ہمارے جلد کے خلیات کو نم رکھتے ہیں۔
مضمون میں بتایا گیا ہے کہ بڑھاپے کا عمل اس وقت شروع ہوتا ہے جب جلد کے خلیات پانی اور مائع مرکبات کی کمی کی وجہ سے خشک ہونے لگیں تب آہستہ آہستہ جلد جھریوں زدہ ہونے لگتی ہے۔
تاہم چینی اس خشکی سے بچاتی ہے۔ یہ سرد موسم میں جلد کو خشکی سے محفوظ رکھتی ہے جبکہ خشک جلد والے افراد کے لیے بھی یہ بہترین خوراک ہے۔
مضمون کے مطابق اس کے لیے خالص چینی کا استعمال ضروری نہیں البتہ چینی سے بنی مختلف اشیا، شہد، چاکلیٹ وغیرہ کا استعمال کیا جاسکتا ہے۔
مزید مضامین پڑھیں:
شہد اور دار چینی کا مرکب بے شمار بیماریوں سے بچائے
انتباہ: یہ مضمون قارئین کی معلومات میں اضافے کے لیے شائع کیا گیا ہے۔ مضمون میں دی گئی کسی بھی تجویز پر عمل کرنے سے قبل اپنے معالج سے مشورہ اور ہدایت ضرور حاصل کریں۔
