دنیا میں عجیب وغریب واقعات سامنے آتے رہتے ہیں ایسا ہی ایک فیصلہ یورپی ملک سے آیا ہے جس نے پہاڑ کو قانونی طور پر انسان قرار دے دیا ہے۔
غیر ملکی میڈیا کے مطابق نیوزی لینڈ حکومت نے ملکی قانون کے تحت نارتھ آئی لینڈ میں واقع دوسرے بلند ترین پہاڑ تارانکی (Taranaki) کو ’’انسان ‘‘کا خصوصی درجہ دے دیا ہے۔
رپورٹ کے مطابق اس پہاڑ کو انسان کا درجہ دینے کے بعد اب کوئی فرد یا کمپنی اس پہاڑ یا اس کے قیمتی قدرتی ماحول کو نقصان نہ پہنچا سکے گی۔
نیوزی لینڈ کی حکومت نے مقامی ماری قبائل کے مطالبے پر یہ قدم اٹھایا ہے۔
ماری قبائل کے نزدیک یہ پہاڑ مقدس اور مذہبی، ثقافتی و معاشرتی لحاظ سے بڑا اہم ہیں۔ تاہم سفید فاموں نے ان پر مظالم ڈھا کر نیوزی لینڈ پر قبضہ کیا، تو وہ تارانکی پر بھی قابض ہو گئے۔
گزشتہ ایک عشرے سے ماری نے اپنے مقدس پہاڑ کو نوآبادیاتی شکنجے سے آزاد کرانے کی تحریک چلا رکھی تھی۔
نیوزی لینڈ کی حکومت کی جانب سے اس پہاڑ کو باضابطہ انسان کا درجہ دیے جانے کے بعد آئندہ کوئی ملٹی نیشنل کمپنی یا سفید فاموں کا گروہ کسی بھی طرح تارانکی کو اپنے مفاد کے لیے استعمال کرتے ہوئے نقصان نہیں پہنچا سکے گا۔
