The news is by your side.

Advertisement

بالی ووڈ فلم کا مضحکہ خیز سین، اداکار مذاق کا نشانہ بن گئے، ویڈیو وائرل

ممبئی: بھارتی اداکار ورون دھون کی نئی آنے والی فلم مضحکہ خیز سین کے باعث سوشل میڈیا پر مذاق کا نشانہ بن گئی۔

تفصیلات کے مطابق بالی ووڈ ہدایت کار ڈیوڈ دھون اپنے بیٹے ورون دھون کو لے کر ماضی کی یادگار فلم ’کولی نمبر ون‘ کا ری میک بنا رہے ہیں، فلم میں ورون دھون کے ایک سین کو لے کر سوشل میڈیا پر خوب مذاق اڑایا جارہا ہے۔

ویڈیو میں دیکھا جاسکتا ہے کہ ’ورون دھون پلیٹ فارم پر کھڑے ہیں ، پٹڑی پر بچہ ٹرین کی آمد سے بے خبر کھیل میں مگن ہے۔‘

’اداکار کی نظر جیسے ہی بچے پر پڑتی ہے تو وہ چلتی ٹرین کے اوپر کئی فٹ بلندی سے چھلانگ لگاتے ہوئے دوڑنا شروع کردیتے ہیں اور تیز رفتار ٹرین کے آگے کود کر بچے کی زندگی بچالیتے ہیں۔‘

مذکورہ سین کو لے کر سوشل میڈیا صارفین کی جانب سے تنقید کے نشتر چلائے جارہے ہیں، ایک صارف نے تنقید کرتے ہوئے لکھا کہ ’واہ کیا سین ہے بھائی۔‘

دپیکا نامی صارف نے لکھا کہ ’یہ تو کچھ نہیں ہے ، رجنی کانت ہوتا تو ٹرین کی پٹڑی کو کھینچ کر ٹرین کو وہیں روک دیتا۔‘

واضح رہے کہ ماضی کی مشہور فلم کولی نمبر ون میں گووندا ، کرشمہ کرپور اور پاریش راول نے مرکزی کردار ادا کیا تھا جبکہ مذکورہ فلم میں اداکار ورون دھون ، سارہ علی خان، انیل دھون ، جاوید جعفری ، جونی لیور ، پاریش راول ودیگر شامل ہیں۔

Comments

یہ بھی پڑھیں