جاپان کے ساحلی علاقے میں لاکھوں مردہ مچھلیاں نمودار ہو گئیں، انتظامیہ نے ساحل پر مردہ مچھلیاں نمودار ہونے کے بعد سیاحوں کیلئے انتباہ جاری کرتے ہوئے انہیں ساحل کا رخ نہ کرنے کی ہدایات جاری کردیں۔
غیر ملکی ذرائع ابلاغ کے مطابق سمندری لہروں کے ذریعے آنے والی، لاکھوں مردہ مچھلیوں سے ساحل بھر گیا ہے۔
ماحولیاتی تبدیلی کے باعث درجہ حرارت میں اچانک تبدیلی یا پانی کی آلودگی مچھلیوں کے مرنے کی وجہ ہو سکتے ہیں تاہم انتطامیہ نے تحقیقات شروع کر دی ہیں۔
اس سے قبل امریکی ریاست ٹیکساس کی گلف کورس بیچ پر بھی ہزاروں مردہ مچھلیاں ایک ساتھ آگئی تھیں، مینہڈن قسم کی ہزاروں مچھلیاں برائن بیچ کے انتہائی سرے پر مردہ پائی گئیں۔
مچھلیوں کی موت کی وجہ پوچھی گئی تو حکام نے کہا کہ گرم پانی اس کا ذمہ دار ہے کیونکہ اس میں ٹھنڈے پانی کی طرح آکسیجن نہیں ہوتی۔
نئی نویلی دُلہن شارک کے حملے میں ہلاک
کوئنٹانا بیچ کاؤنٹی پارک نے فیس بک پر کہا کہ جب پانی 70 ڈگری فارن ہائیٹ سے بڑھ جاتا ہے تو مینہیڈن کے لیے زندہ رہنے کے لیے آکسیجن حاصل کرنا مشکل ہو جاتا ہے۔
