کراچی: ناردرن بائی پاس پر اہم کارروائی کے دوران پیٹرول پمپس کے زیرِ زمین ٹینکرز سے ہزاروں لیٹر اسمگل شدہ ڈیزل برآمد کر لیا گیا۔
انفورسمنٹ کلکٹریٹ کراچی کے اینٹی اسمگلنگ اور حساس ادارے نے مل کر کارروائی کی۔ ڈپٹی کلکٹر محمد رضا نقوی نے بتایا کہ پیٹرول پمپس سے 96 ہزار 697 لیٹر اسمگل شدہ ایرانی ڈیزل برآمد ہوا۔
محمد رضا نقوی نے بتایا کہ ایرانی ڈیزل کی مالیت 2 کروڑ 50 لاکھ روپے ہے، کارروائی میں 7 ٹینکرز ضبط کر لیے، کسٹمز ایکٹ کی دفعات کے تحت مقدمہ درج کیا ہے۔
یہ بھی پڑھیں: بحیرہ عرب میں لانچوں کے ذریعہ ایرانی ڈیزل اسمگل کرنے کی کوشش ناکام
19 فروری 2025 کو کلکٹر کسٹمز انفورسمنٹ میرین یونٹ نے بحیرہ عرب میں ایرانی ڈیزل اسمگل کرنے کی کوشیش ناکام بناتے ہوئے 5 ملزمان کو گرفتار کر کے 2 کروڑ 24 لاکھ روپے مالیت کا ڈیزل اور لانچ ضبط کر لی تھی۔
کلکٹر کسٹمز انفورسمنٹ کراچی کے خصوصی میرین یونٹ نے بحریہ عرب میں چرنا آئرلینڈ کے قریب ال عریشہ نامی لانچ پر چھاپہ مار کر اسمگل شدہ ڈیزل برآمد کیا تھا۔
کسٹمز حکام نے بتایا تھا کہ لانچ سے تیس ہزار تین سو پینسٹھ لٹر اسمگل ایرانی ڈیزل برآمد کیا جس کی مالیت 74 لاکھ 62 ہزار روپے ہے جبکہ اسمگلنگ میں استعمال ہونے والی ڈیڑھ کروڑ مالیت کی لانچ کو بھی ضبط کیا۔
