The news is by your side.

Advertisement

ترکی میں سیاحوں کا سیلاب امڈ آیا

روسی سیاحوں کی آمد کے ساتھ ہی ترکی میں سیاحت پر چھائے سیادل چھٹ گئے اور ایک بار پھر ‏ترک شعبہ سیاحت اپنی کھوئی ہوئی پوزیشن حاصل کرنے جارہا ہے۔

پابندیوں میں نرمی کے بعد ترکی میں شعبہ سیاحت پھر سے عروج کی جانب گامزن ہے، روس ‏سے سیاحوں کی خصوصی پرواز ترکی پہنچنے پر سیاحتی سرگرمیوں میں گہما گہمی آگئی ہے۔

روس نے گذشتہ ہفتے ترکی پر عائد سفری پابندیاں ختم کر دی تھیں جس کے بعد روسی سیاح ترکی ‏پہنچنا شروع ہو گئے ہیں اس سال روس سے 15 لاکھ سیاحوں کی ترکی آمد متوقع ہے۔

ترک صدر نے لاک ڈاؤن ختم کرنے کا اعلان کر دیا

ماسکو سے پہلی خصوصی پرواز 132 سیاحوں کو لے کر انتالیہ پہنچی تو گھومنے پھرنے کے شوقین ‏افراد کے چہرے کھل اٹھے۔ مسافروں کو ایئرپورٹ پر خصوصی سہولیات فراہم کی گئیں اور ایس او ‏پیز کے ساتھ انہیں جانے کی اجازت دی گئی۔

ایک اندازے کے مطابق صرف منگل کے روز 44 پروازوں کے ذریعے 12 ہزار روسی سیاحوں کی ترک آمد متوقع ہے جو ‏انتالیہ کے خوبصورت نظاروں اور دلکش مقامات سے لطف اندزو ہوں گے۔

Comments

یہ بھی پڑھیں