لاہور : پاکستان میں کورونا ویکسین کا ہدف پورا نہ ہونے پر ہزاروں سرنجیں اور ویکسین ضائع ہونے کا انکشاف ہوا۔
تفصیلات کے مطابق محکمہ ہیلتھ کی نااہلی کی وجہ سے ہزاروں سرنجیں اور کورونا ویکسین ضائع ہوگئیں۔
کورونا ویکسین کا ہدف پورانہ ہونے پر ہزاروں سرنجیں اور ویکسین ضائع کردی گئیں ، ڈی ڈی او ہیلتھ سمن آباد کی زیر نگرانی سرنجیں اورویکسین کو ضائع کیا گیا۔
خیال رہے گزشتہ 2 سال میں پاکستان کو دنیا بھر سے موصول ہونے والی کرونا وائرس ویکسین کے اعداد و شمار سامنے آئے تھے۔
اعداد و شمار میں بتایا گیا کہ پاکستان کو کرونا ویکسین کی 30 کروڑ 50 لاکھ ڈوزز موصول ہوچکی ہیں جبکہ پاکستان نے 184.6 ملین ویکسین ڈوزز کی خریداری کی تھی۔
