پاسکو میں اسٹور کی گئی ہزاروں ٹن سرکاری گندم خراب ہونے کا انکشاف ہوا ہے، ادارے نے 36 ہزار میٹرک ٹن سے زائد خراب گندم فروخت کرنے کا فیصلہ کرلیا۔
تفصیلات کے مطابق پاکستان ایگریکلچرل اسٹوریج اینڈ سروسز کارپوریشن (پاسکو) میں رکھی گئی ہزاروں میٹرک ٹن گندم خراب ہوگئی۔ حکام نے پاسکو کی 36 ہزار 213 میٹرک ٹن خراب گندم کو فروخت کرنے کا فیصلہ کیا ہے۔
گندم فروخت کرنے کے حوالے سے ٹینڈر جاری کردیا گیا ہے۔ خراب گندم کو انسانی استعمال کے لیے غیر محفوظ قرار دیا گیا ہے۔
- Advertisement -
پاسکو کی جانب سے خراب گندم کی فروخت کے لیے لفافہ بند بولیاں طلب کی گئی ہیں جنھیں 10 اکتوبر تک طلب کیا گیا ہے۔
ذرائع کے مطابق بولیاں اسی روز ہی کھولی جائیں گی، واضح رہے کہ خراب گندم پاسکو کے خیرپور زون کے مختلف علاقوں میں پڑی ہے۔
