بارکھان : پولیس نے کنوئیں سے خاتون سمیت3افراد کی لاشیں برآمد کرلی ، لاشیں خان محمد مری نامی شخص کی اہلیہ اور دو بیٹوں کی ہیں۔
تفصیلات کے مطابق بلوچستان کے ضلع بارکھان میں کنوئیں سے خاتون سمیت3افراد کی لاشیں برآمد ہوئیں۔
پولیس نے بتایا کہ تینوں کو فائرنگ کر کے ہلاک کیا گیا جبکہ خاتون کے چہرے پر تیزاب ڈال کر اسے مسخ کر دیا گیا ہے۔
حکام کا کہنا تھا کہ لاشیں شناخت کیلئے ڈی ایچ کیو اسپتال بارکھان منتقل کیا گیا ، جہاں خاتون سمیت تین افراد کی ملنے والی لاشوں کی شناخت ہوگئی ہے۔
پولیس نے کہا کہ لاشیں خان محمد مری نامی شخص کی اہلیہ اور دو بیٹوں کی ہیں۔
تینوں افراد کو قتل کرکے لاشیں کنوئیں میں پھینکی گئی تھیں، اہلیہ اور بیٹے پانچ سال سے ایک صوبائی وزیر کی نجی جیل میں قید تھے۔
متاثرہ شخص دعویٰ کیا ہے کہ مزید پانچ افراد صوبائی وزیر کی نجی جیل میں تا حال قید ہیں۔
