بہاولپور: سڑک کراس کرتے ہوئے تین بچے ٹرالر کی زد میں آکر جاں بحق ہوگئے ، تینوں بچے اسکول سے گھر واپس جارہے تھے۔
تفصیلات کے مطابق جنوبی پنجاب کے ضلع بہاولپور میں تھانہ مسافرخانہ کےقریب افسوسناک واقعہ پیش آیا ، جہاں قومی شاہراہ کراس کرتے ہوئے تین طالب علم ٹرک کی زد میں آگئے۔
ریسکیوذرائع کا کہنا ہے کہ حادثے میں تینوں بچےجاں بحق ہوگئے ، .تینوں بچے ا سکول سے گھرواپس جارہےتھے،جاں بحق علیزہ اورکرن کی عمریں دس سے پندرہ سال اورعرفان کی عمر بارہ سال ہے۔
علاقہ مکینوں نے حادثے کے ذمہ دار ٹرک ڈرائیور کو پکڑ کرتشدد کا نشانہ بنایا، جس کے بعد زخمی ٹرک ڈرائیور کو اسپتال منتقل کردیاگیا ہے۔
اہل علاقہ اورورثا نے اسکول انتظامیہ کے خلاف احتجاج کیا، مظاہرین نے اسکول انتظامیہ کے خلاف مقدمہ درج کرنے کا مطالبہ کرتے ہوئے کہا کہ اسکول انتظامیہ کو چھٹی کے وقت روڈ کراس کروانی چاہیے۔
