تھرپارکر میں قحط کی صورت حال، سول استپال میں تین بچے دم توڑ گئے، حکومت نے اقدامات تیز کردیے
The news is by your side.

Advertisement

تھرپارکر میں قحط کی صورت حال، سول اسپتال میں تین بچے دم توڑ گئے

مٹھی: تھرپارکر میں قحط کی صورت حال سنگین ہوگئی، سول اسپتال مٹھی میں مزید 3 بچے دم توڑ گئے۔

تفصیلات کے مطابق تھرپارکر میں قحط کا مسئلہ سنگین ہوتا جارہا ہے، تاہم سندھ حکومت نے بھی صورت حال سے نمٹنے کے لیے اقدامات تیز کردیے ہیں۔

اسپتال ذرائع کا کہنا ہے کہ آج ہلاک ہونے والے 3 بچوں سمیت تھرپارکر میں رواں ماہ انتقال کرنے والے بچوں کی تعداد 37 ہوگئی۔

خیال رہے کہ تھر میں رواں سال انتقال کرنے والے بچوں کی تعداد 536 ہوچکی ہے۔

تھر میں قحط کی صورتحال کا مستقل حل نکالنا ہوگا: بلاول بھٹو

دوسری جانب پیپلزپارٹی کے چیئرمین بلاول بھٹو زرداری نے کہا ہے کہ ہمیں‌ تھر میں قحط کی صورت حال کا مستقل حل نکالنا ہوگا۔

ان خیالات انھوں نے پارٹی کے ایم پی اے ارباب لطف اللہ سے ملاقات کے موقع پر کیا۔ ملاقات کے دوران تھر میں قحط کے حالات پرپارٹی چیئرمین کو بریفنگ دی۔

واضح رہے کہ تھر میں بچوں‌ کی ہلاکت کے معاملے پر حکومت سندھ کو شدید تنقید کا سامنا ہے، مخالفین ایسے واقعات کو پی پی پی سرکار کی غفلت قرار دیتے ہیں، البتہ پارٹی کا موقف ہے کہ یہ صرف پروپیگنڈا ہے، حکومت تھر کی ترقی کے لیے سنجیدہ اقدامات کر رہی ہے۔

Comments

comments

یہ بھی پڑھیں