The news is by your side.

Advertisement

کراچی کے مختلف علاقوں میں فائرنگ سے 3 شہری زخمی

کراچی کے مختلف علاقوں میں فائرنگ کے واقعات 3 شہری زخمی ہوگئے، لیاری ندی سے ایک شخص کی ڈوبی ہوئی لاش ملی ہے۔

پولیس کے مطابق سچل کے علاقے محمد خان گوٹھ میں بریانی کی دکان میں ڈکیتی کی واردات کے دوران مسلح افراد نے فائرنگ کر دی جس سے عبدالقیوم نامی دکاندار زخمی ہو گیا، ملزمان واردات کے بعد فرار ہو گئے۔

پولیس کے مطابق شہری کے سر پر گولی لگی ہے، جس کو سول اسپتال منتقل کردیا گیا جہاں اس کی حالت نازک بتائی جا رہی ہے۔

نیو کراچی سیکٹر 11  میں اسٹریٹ کرائم کی واردات کے دوران کامران نامی شہری زخمی ہو گیا۔ اورنگی ٹاؤن سیکٹر 12 میں بھی فائرنگ کے واقعے میں ایک شخص زخمی ہوا۔

دوسری جانب شیرشاہ اکبر روڈ لیاری ندی سے ایک شخص کی ڈوبی ہوئی لاش ملی پولیس کے مطابق  شہری کی شناخت اقبال کے نام سے ہوئی ہے۔

Comments

یہ بھی پڑھیں