site
stats
سندھ

کراچی میں فائرنگ کے واقعات، پولیس اہلکار سمیت تین زخمی

کراچی: شہرقائد میں فائرنگ اورپرتشدد واقعات کا سلسلہ بدستورجاری ہے، شہر کے مختلف علاقوں میں فائرنگ سے پولیس اہلکار سمیت 3 افراد زخمی ہو گئے۔

علی الصبح جمشید کوارٹر تھانے کی حدود مارٹن کوارٹرزکے علاقے میں سادہ لباس پولیس اہلکارپرنامعلوم ملزمان نے فائرنگ کر دی جس کے نتیجے میں مسعود نامی پولیس اہلکار زخمی ہو گیا، مذکورہ اہلکار کو طبی امداد کے لیے سول اسپتال منتقل کیا گیا۔

دوسری جانب رات گئے کورنگی صنعتی ایریا کے علاقے اللہ والا ٹاؤن میں فائرنگ سے شاہ محمد نامی شخص زخمی ہوگیا جسے بروقت طبی امداد کے لیےنزدیکی اسپتال منتقل کردیا گیا۔

علاوہ ازیں بلدیہ کے علاقے خیبرچوک کے قریب واقع گھرمیں جھگڑے کے دوران دیورزمین گل نے اپنی بھابھی گل بی بی کو چھریوں کے وار سے زخمی کردیا اورموقع سے فرارہوگیا۔

واضح رہے کہ کراچی میں لڑائی جھگڑے اوراسی نوعیت کے واقعات پیش آنا معمول کی بات ہے جس میں آئے دن شہری اپنی جان سے بھی ہاتھ دھوبیٹھتے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top