حماس کی قید سے جنگ بندی معاہدے کے تحت رہائی پانے والی اسرائیلی خواتین کی اہلخانہ سے ملاقات کی ویڈیو وائرل ہوگئی۔
غیر ملکی ذرائع ابلاغ کے مطابق اسرائیل اور حماس کے درمیان جنگ بندی معاہدے کے تحت گزشتہ روز دونوں جانب سے قیدیوں کا تبادلہ کیا گیا، پہلے حماس نے 3 اسرائیلی خواتین یرغمالیوں کو رہا کیا جس کے جواب میں اسرائیل نے 90 فلسطینی قیدیوں کو رہا کردیا۔
اسرائیلی میڈیا کی جانب سے قیدیوں کے تبادلے کے مناظر بڑی اسکرینوں پر براہ راست دکھائے گئے جبکہ حماس کی جانب سے رہا کی گئی اسرائیلی خواتین کو تحفہ بھی دیا گیا جسے انہوں نے خوشی سے قبول کرلیا۔
View this post on Instagram
رہائی پانے والی اسرائیلی خواتین کو ریڈ کراس کی ٹیم نے اسرائیلی فوجی اہلکاروں کے حوالے کیا جہاں سے انہیں پہلے فوجی یونٹ اور پھر اسپتال منتقل کیا گیا۔
حماس کی قید سے رہائی پانے والی خواتین کو اسرائیل نے ہیلی کاپٹر کے ذریعے اسپتال منتقل کیا جہاں ان کی اہلخانہ سے ملاقات ہوئی۔
اسرائیلی میڈیا نے حماس سے رہائی پانیوالی خواتین قیدیوں کی ملاقات کی ویڈیو بھی سوشل میڈیا پر وائرل کردی ہے، جس میں دیکھا جا سکتا ہے جس میں قیدیوں کے اہلخانہ کو اپنے پیاروں سے گلے مل کر ملاقات کرتے ہوئے دکھایا گیا ہے۔
واضح رہے کہ حماس کی جانب سے 3 یرغمالی خواتین رہا کرنے کے چند گھنٹے بعد اسرائیلی جیل سے 90 فلسطینی قیدیوں کو بھی رہائی مل گئی۔
غزہ جنگ بندی معاہدے کی کامیابی اسرائیلی عمل پر منحصر ہوگی، القسام بریگیڈ
رپورٹ کے مطابق فلسطینی قیدیوں کو ہلال احمر کی ٹیم نے اسرائیل کی عوفر جیل سے مغربی کنارے تک منتقل کیا۔
غیر ملکی میڈیا کے مطابق اسرائیلی جیل سے رہائی پانے والے فلسطینی قیدیوں کا مغربی کنارے پہنچنے پر پرتپاک استقبال کیا گیا۔
