کوئٹہ: صوبہ بلوچستان کے ضلع پنجگور میں سیکورٹی فورسز کے قافلے پر فائرنگ سے 3 جوان شہید جبکہ افسر سمیت 8 زخمی ہوگئے۔
پاک فوج کے شعبہ تعلقات عامہ (آئی ایس پی آر) کے مطابق دہشت گردوں نے پنجگور کی وادی کاہان میں سیکورٹی فورسز کے قافلے پر فائرنگ کی جس کے نتیجے میں 3 جوان شہید ہوگئے۔
آئی ایس پی آر کے مطابق فائرنگ سے افسر سمیت 8 اہلکار زخمی ہوگئے جن میں سے 5 کی حالت تشویش ناک ہے۔زخمی جوانوں کو سی ایم ایچ کوئٹہ منتقل کر دیاگیا۔
شمالی وزیرستان میں سیکورٹی فورسز کا آپریشن، 4 جوان شہید،4 دہشت گرد ہلاک
اس سے قبل 12 جولائی کو شمالی وزیرستان میں آپریشن کے دوران 4 دہشت گرد ہلاک ہوگئے جبکہ فائرنگ کے تبادلے میں 4 اہلکار شہید ہوگئے تھے۔
شمالی وزیرستان میں سیکورٹی فورسز کے قافلے پر فائرنگ، کیپٹن سمیت 2 جوان شہید
یاد رہے کہ گزشتہ ماہ شمالی وزیرستان میں سیکورٹی فورسز کے قافلے پر فائرنگ سے کیپٹن سمیت 2 جوان شہیداور 2 زخمی ہوگئے تھے، فائرنگ کے تبادلے میں ایک دہشت گرد بھی مارا گیا تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں