کراچی: بلدیہ کے علاقے رئیس گوٹھ میں واقع مکان میں ڈکیتی کے دوران مزاحمت پر ڈاکوؤں کی فائرنگ سے 3 افراد زخمی ہوگئے۔
تفصیلات کے مطابق بلدیہ ٹاؤن کے علاقے رئیس گوٹھ میں گھرمیں ڈکیتی کے دوران اہل خانہ کی مزاحمت پر ملزمان کی فائرنگ اورتشدد سے تین افراد زخمی ہوگئے۔
پولیس کے مطابق ڈاکوؤں کی فائرنگ سے محمد علی اور جلال زخمی ہوئے، تیسرا شخص یحییٰ پستول کے بٹ لگنے سے زخمی ہوا۔
پولیس حکام کا کہنا ہے کہ واقعے میں زخمی ہونے والے تینوں افراد آپس میں بھائی ہیں۔
کراچی میں پولیس کا ایکشن، ٹارگٹ کلنگ میں ملوث ’چڈا، ببلو اور پیرجی‘ گرفتار
یاد رہے کہ دو روز قبل کراچی پولیس نے مبینہ ٹاؤن تھانے کی حدود سے قتل کی متعدد وارداتوں میں ملوث متحدہ لندن کے دو ٹارگٹ کلرز سمیت تین ملزمان کو گرفتار کیا تھا۔
پولیس حکام کے مطابق ملزمان نے دوران تفتیش ٹارگٹ کلنگ کی متعددوارداتوں کااعتراف کیا، عباس یونٹ 99 کا ٹارگٹ کلر تھا جس کی شاندہی پر اُس کے ساتھی مسعود ببلو کو گرفتار کیا گیا۔
