ریاض : خادمین حرمین شریفین کی ہدایت پر مسجد الحرام میں معذوروں کے لیے خصوصی جگہیں تیار کردی گئی ہیں جہاں وہ پنج گانہ نماز کی ادائیگی کے علاوہ حج وعمرے کے مناسک بھی بہ آسانی ادا کرسکیں گے۔
تفصیلات کے مطابق مسجد الحرام میں معذوروں کو عبادت کے لیے جدید سہولیات دینے کے لیے تین قسم کی خصوصی جگہیں تعمیر کی جا رہی ہیں جن میں سے اول و دوئم قوتِ سماعت و بصارت سے محروم اور سوئم جسمانی معذوری کے شکار افراد کے زیر استعمال ہوں گی۔
ان جگہوں پر تینوں قسموں کے معذور افراد سہولت کے ساتھ چوبیس گھنٹے اور سالہا سال اُٹھائیں گے اور حج و عمرے کے مناسک بھی بہ آسانی ادا کرسکیں گے البتہ قوت سماعت سے محروم افراد کی جگہ صرف جمعے کو کھلے گی۔
خیال رہے کہ اس منصوبے کا افتتاح شیخ عبدالرحمان السدیس نے کیا تھا جہاں انہوں نے تقریب سے خطاب کرتے ہوئے کہا تھا کہ منصوبے کا مقصد اللہ کے خاص مہمانوں کی خاص میزبانی کرنا ہے جہاں انہیں کسی قسم کی دقت کا سامنا نہ ہو۔
یاد رہے حج و عمرے کے لیے دنیا بھر آنے والے عبادت گذراوں کی بڑھتی ہوئی تعداد کے پیش نظر مسجد الحرام اور مسجد نبوی میں توسیع کا کام جاری ہے جس کا افتتاح شاہ سلیمان نے کیا تھا۔
