The news is by your side.

Advertisement

کینیڈا میں 6.8 شدت کے زلزلے کے جھٹکے، سونامی کی وارننگ جاری

اوٹاوا : کینیڈا میں 40 منٹ کے دوران یگے بعد دیگرے تین زلزلے جھٹکے محسوس کیے گئے جس کے بعد حکام نے سونامی کی وارننگ جاری کردی۔

تفصیلات کے مطابق براعظم امریکا میں واقع ملک کینیڈا میں یکے بعد دیگرے زلزلے کے تین شدید نوعیت کے زلزلے کے جھٹکے محسوس کیے گئے ہیں تاہم ریسکیو حکام کی جانب سے کسی کے زخمی یا ہلاک ہونے کی کوئی اطلاع موصول نہیں ہوئی۔

امریکی جیالوجیکل سروے کی رپورٹ کے مطابق زلزلے کا پہلا جھٹکا ریاست برٹش کولمبیا میں 10 بج کر 39 منٹ پر محسوس کیا گیا تھا جس کی شدت 6.6 اور گہرائی 11 کلومیٹر تھی۔

امریکی جیالوجیکل سروے کا کہنا تھا کہ 40 منٹ کے دوران ہی 6.8 نوعیت کا زلزلے کا جھٹکا پورٹ ہارڈی کے قریب محسوس کیا گیا جس کی گہرائی تقریباً 10 کلومیٹر تھی۔

غیر ملکی خبر رساں ادارے کا کہنا تھا کہ کینیڈا میں زلزلے کا تیسرا جھٹکا 11 بج کر 22 منٹ پر محسوس کیا گیا تھا جس کی شدت 6.5 ریکارڈ کی گئی ہے جبکہ اس کی گہرائی 10 کلو میٹر تھی۔

مقامی خبر رساں ادارے کا کہنا تھا کہ تاحال زلزلوں کے پے در پے جھٹکوں سے کسی نقصان یا ہلاکت کی اطلاعات موصول نہیں ہوئیں ہیں جبکہ حکام کی جانب سے سونامی کی وارننگ جاری کردی ہے۔

Comments

comments

یہ بھی پڑھیں