بھارت کے تلنگانہ کے نلگنڈہ ضلع کے دیوراکونڈا کے اقلیتی گروکل اسکول کے 3 طالب علم گزشتہ روز سے لاپتہ ہیں۔
بین الاقوامی خبر رساں ادارے کی رپورٹ کے مطابق کل سے تین طلباء کے لاپتہ ہونے کے بعد سے والدین اور اسکول کا عملہ سخت پریشان ہے۔
رپورٹس کے مطابق لاپتہ ہونے والے 3بچوں کی شناخت توفیق عمر، عبدالرحمن اور مجیب کے ناموں سے ہوئی ہے، جو دسویں جماعت کے طالب علم بتائے گئے ہیں۔
پولیس اسٹیشن میں شکایت اسکول پرنسپل نے درج کرائی ہے، جبکہ واقعے کے بعد سرپرستوں میں تشویش کی لہر دوڑ گئی ہے، پولیس نے مقدمہ درج کرکے تحقیقات کا آغاز کردیا ہے۔
دوسری جانب بھارت میں اسکول کے طلبہ و طالبات کو ’مڈ ڈے میل‘ کے نام پر زہریلا کھانا کھلانے کا سلسلہ جاری ہے، ایک واقعے میں بچوں کو چھپکلی ملا کھانا کھلا دیا گیا۔
اسکول کے طلبہ و طالبات کو کھانا فراہم کرنے کے لیے ’مڈ ڈے میل‘ منصوبہ کے آغاز کیا گیا، لیکن اکثر اس کھانے میں سانپ، چھپکلی، مینڈک اور دیگر زہریلی اشیاء مردہ حالت میں پائی جاتی ہیں۔
جھارکھنڈ کے دمکا ضلع کے اسکول میں ’مڈ ڈے میل‘ میں چھپکلی گرگئی اور یہی کھانا بچوں کا کھلا دیا گیا، مسلیا واقع پلس ٹو ہائی اسکول موہن پور کے تقریباً 47 بچوں کی مڈ ڈے میل کھانے سے طبیعت بگڑ گئی۔
میلاد النبیؐ میں شرکت کیلئے جانے والی بس حادثے کا شکار، 26 بچے جاں بحق
میڈیا رپورٹس کے مطابق تمام بچوں کو اسپتال پہنچایا گیا جہاں ان کا علاج جاری ہے، بتایا جا رہا ہے کہ مڈ ڈے میل تیار کرتے وقت اس میں چھپکلی گر گئی جس سے پورے کھانا زہریلا ہو گیا تھا۔
