قلات: صوبہ بلوچستان کے علاقے قلات میں دھماکہ خیز پھٹنے سے تین سیکیورٹی اہلکار زخمی ہوگئے۔
تفصیلات کےمطابق قلات کے علاقے جوہان پرسیکیورٹی فورسز کی گاڑی کو ہدف بنایا گیا تھا تاہم کوئی جانی نقصان نہیں ہوا۔
سیکیورٹی عہدیدار کا کہنا تھا کہ دھماکہ خیز مواد سڑک کے کنارے نصب کیا گیا تھا جیسے ہی گاڑی وہاں سے گزری تو وہ پھٹ گیا اور تین اہلکار زخمی ہوگئے۔زخمی اہلکاروں کو طبی امداد کے لیے فوری طور پر کوئٹہ منقتل کردیا گیا۔
قلات میں دھماکے کی ذمہ داری تاحال کسی تنظیم نے قبول نہیں کی ہے۔
کوئٹہ فائرنگ، تین پولیس اہلکارجاں بحق، ایک شہری زخمی
یاد رہےکہ گزشتہ روزکوئٹہ میں نامعلوم مسلح افراد کی فائرنگ سے تین پولیس اہلکار ہلاک ہوئے تھے جبکہ بلوچستان کے کئی علاقوں میں سیکیورٹی فورسز کو نشانہ بنایا جاتا رہا ہے۔
واضح رہےکہ اس وقت کوئٹہ میں ڈبل سواری پر پابندی عائد ہے اس کے باوجود موٹرسائیکل سواروں کا با آسانی سریاب روڈ پرآنا اور ناکے پر موجود پولیس اہلکاروں پر فائرنگ کا اعلیٰ پیمانے پر نوٹس لیا گیا ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں
