The news is by your side.

Advertisement

ڈی جی خان میں رینجرز کی کارروائی‘ 3 دہشت گرد ہلاک

ڈی جی خان : صوبہ پنجاب کے شہرڈیرہ غازی خان میں رینجرز نے کارروائی کرتے ہوئے 3 دہشت گردوں کو ہلاک کرکے اسلحہ اور دھماکہ خیز مواد برآمد کرلیا۔

تفصیلات کے مطابق ڈیرہ غازی خان کے علاقے سخی سرور میں رینجرز نے کارروائی کرتے ہوئے 3 دہشت گردوں کو ہلاک کردیا، کارروائی کے دوران دہشت گردوں کی فائرنگ سے ایک اہلکار بھی زخمی ہوگیا۔

سیکورٹی ذرائع کے مطابق رینجرز کی کارروائی میں مارے جانے والے دہشت گردوں کے قبضے سے ریموٹ کنٹرول بم، خودکش جیکٹ، اسلحہ اور باردوی مواد برآمد ہوا ہے۔

چمن میں سی ٹی ڈی اورحساس اداروں کی مشترکہ کارروائی‘ 4 دہشت گرد ہلاک

خیال رہے کہ رواں ماہ 6 مارچ کو پاک افغان سرحدی علاقے چمن میں سی ٹی ڈی اور حساس ادارے نے مشترکہ کارروائی کرتے ہوئے 4 دہشت گردوں کو ہلاک کرکے اسلحہ اور دھماکہ خیز مواد برآمد کیا تھا۔

ڈی جی خان میں پنجاب رینجرزکی کارروائی‘ 3 دہشت گرد ہلاک ‘ آئی ایس پی آر

یاد رہے کہ گزشتہ ماہ 17 فروری کو ڈیرہ غازی خان میں پنجاب رینجرز اورایلیٹ پولیس نے کارروائی کرتے ہوئے 3 دہشت گرد ہلاک کردیے تھے جبکہ 2 اہلکار زخمی ہوگئے تھے۔

پاک فوج کے شعبہ تعلقات عامہ آئی ایس پی آر کے مطابق کارروائی کے دوران بارودی سرنگ، راکٹ لانچر، دستی بم، اسلحہ برآمد برآمد ہوا تھا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں

Comments

comments

یہ بھی پڑھیں