ہالی ووڈ کی تھرلر فلم ‘فائنل ڈیسٹینیشن: بلڈ لائنز’ کے نئے ٹریلر نے شائقین کے ہوش اڑا دیے، یہ آنجہانی اداکار ٹونی ٹوڈ کی آخری فلم بھی ہے۔
اس فرنچائز کا 14 سالوں بعد کوئی پارٹ سینما گھروں کی زینت بننے آرہا ہے جبکہ یہ مجموعی طور پر اس یونیورس کی چھٹی فلم ہے، اس میں موت کا شکار ہونے والے نئے متاثرین کو دکھایا گیا ہے۔
فلم کلے نئے سیٹ میں شائقین کا تجسس بڑھایا گیا ہے اور دکھایا گیا ہے کہ ایک کالج کا طالب علم اس خونی سائیکل کو ختم کرنے کا راستہ تلاش کرنے کی کوشش کرتا ہے۔
خوفناک ٹریلر میں دکھایا گیا ہے کہ کالج کی طالبہ اسٹیفنی کو اپنی دادی سے پتا چلتا ہے کہ اس نے خود ایک پیشگوئی کی تھی جس نے کئی سال پہلے کئی زندگیاں بچائی تھیں۔
بلڈ لائنز پچھلے سال اداکار ٹونی ٹوڈ کے انتقال کے بعد ان کی آخری فلمی کردار کی نشان دہی کرتی ہے، اس سے قبل تقریباً تمام پچھلی فلموں میں وہ بلڈ ورتھ کے کردار میں ظاہر ہوئے تھے، فلم برطانیہ میں 14 مئی اور امریکہ میں 16 مئی کو ریلیز کی جائے گی۔
