پاکستان کے بالائی و وسطی علاقوں میں آندھی، گرج چمک کے ساتھ بارش اور ژالہ باری کی پیش گوئی کی گئی ہے۔
شمالی مشرقی پنجاب میں یکم ئی سے مرطوب ہوائیں داخل ہونے کا امکان ہے، کشمیر، اسلام آباد، راولپنڈی، مری سمیت متعدد علاقوں میں ژالہ باری کا امکان ہے۔
پشاور، مردان، دیر، سوات، کوہاٹ، باجوڑ، کرم، وزیرستان میں بھی بارش کی پیشگوئی ہے جبکہ گلگت بلتستان میں 30 اپریل سے 4 مئی تک وقفے وقفے سے بارش کا امکان ہے۔
ملتان، ڈی جی خان، بہاولپور، سکھر، لاڑکانہ میں گرد آلود ہوائیں اور بارش متوقع ہے۔
آندھی، ژالہ باری اور گرج چمک کے ساتھ بارش سے درخت، بجلی کے کھمبے اور سولر پینل کو نقصان پہنچنے کا خدشہ ہے۔
یہ پڑھیں: بارش برسانے والا سسٹم پاکستان میں داخل ہونے کے لئے تیار، الرٹ جاری
علاوہ ازیں محکمہ موسمیات نے خوشخبری سناتے ہوئے کہا ہے کہ بارش برسانے والا سسٹم کل سے ملک میں داخل ہوگا، بارش اور تیز ہوائیں چلنے سے گرمی کی شدت میں کمی آئے گی۔
موسم کا حال بتانے والوں کا کہنا تھا کہ آج سے چار مئی تک اسلام آباد مری گلیات، بالائی پنجاب، خیبرپختونخوا، گلگت بلتساتن اور کشمیر میں بارش کا امکان ہے جبکہ چند مقامات پر موسلادھار بارش اور ژالہ باری بھی متوقع ہے۔
محکمہ موسمیات کے مطابق دو سے پانچ مئی کے دوران جنوبی پنجاب،بلوچستان سکھر ،میرپورخاص،خیرپور تھرپارکر سانگھڑمیں بھی بارش متوقع ہے۔
پی ڈی ایم اے نے متعلقہ اداروں کو مراسلہ کردیا ، جس میں ضلعی انتظامیہ کو الرٹ رہنےکی ہدایت کی گئی ہے۔
