ٹبہ سلطان پور: نجی اسپتال میں مبینہ طور پر ڈاکٹر کے غلط انجکشن لگانے سے لڑکا جاں بحق ہوگیا۔
تفصیلات کے مطابق یہ واقعہ پنجاب کے ضلع وہاڑی کے ٹبہ سلطان پور کے نواحی علاقے میں پیش آیا جہاں نجی اسپتال میں مبینہ طور پر غلط انجکشن لگنے سے لڑکا جاں بحق ہوگیا۔
پولیس کا کہنا ہے کہ اس واقعے کے بعد ڈاکٹر کو حراست میں لے لیا گیا ہے، جاں بحق علی امتیاز کو بخار ہونے پر اسپتال لایا گیا تھا۔
- Advertisement -
پولیس کا کہنا ہے کہ لواحقین کی جانب سے کارروائی کیلئے تاحال درخواست نہیں دی گئی ہے لیکن اسپتال میں احتجاج، توڑ پھوڑ کے خدشے کے پیش نظر ڈاکٹر کو حراست میں لیا گیا ہے۔
