پاکستان اور نیوزی لینڈ کے درمیان ٹی ٹوئنٹی سیریز کے میچوں کی ٹکٹوں کی فروخت کل سے شروع ہوگی۔
پاکستان کرکٹ بورڈ نے ٹوئٹر پر بتایا کہ پہلے مرحلے میں لاہور کے 3 ٹی ٹوئنٹی میچز کے ٹکٹس فروخت ہوں گے، راولپنڈی اور کراچی کے میچز کے ٹکٹوں کے بارے میں اعلان بعد میں کیا جائے گا۔
🚨 Tickets for the 3️⃣ T20Is between Pakistan and New Zealand in Lahore will go on sale tomorrow 🎟️
Read more ➡️ https://t.co/qTYKH9tKT7#PAKvNZ pic.twitter.com/RWsZTQXVtS
— Pakistan Cricket (@TheRealPCB) April 1, 2023
جنرل انکلوژر سے وی آئی پی انکلوژر کی ٹکٹ 250 سے 2 ہزار تک مقرر کی گئی ہے، وی وی آئی پی اور گیلری کے ٹکٹ 3500 اور 4 ہزار کے ہوں گے جبکہ باکس ویک ڈے کی 5 لاکھ، باکس ویک اینڈ کے ٹکٹ کی قیمت 6 لاکھ مقرر کی گئی ہے۔
واضح رہے کہ لاہور میں ٹی ٹوئنٹی میچز 14 ،15 اور 17 اپریل کو کھیلے جائیں گے جن کی ٹکٹیں کل صبح 11 بجے سے ’ بک می ڈاٹ پی کے‘ پر دستیاب ہوں گی۔