یش راج فلمز نے ٹائیگر تھری کو کامیاب بنانے کے لیے دلچسپ فیصلہ کیا ہے، آئی سی سی کرکٹ ورلڈکپ 2023 کے دوران منفرد طریقے سے فلم کی تشہیر کی جائے گی۔
بھارت میں منعقد ہونے والے شوپیس ایونٹ کے میچز کے دوران بالی ووڈ کے دبنگ اسٹار سلمان خان اپنی فلم ٹائیگر 3 کو پرموٹ کرتے ہوئے نظر آئیں گے۔ ورلڈ کپ میں پہلی بار کسی فلم کی تشہیری مہم کا انعقاد کیا جائے گا جس کے لیے تمام قانونی تقاضے پورے کر لیے گئے ہیں۔
غیر ملکی خبر رساں ادارے کے مطابق سلمان خان اپنی ایکشن سے بھرپور فلم ٹائیگر 3 کی تشہیر کے لیے کچھ پروموز شوٹ کروائے ہیں جو بھارت کے میچز سے قبل اسکرین پر دکھائے جائیں گے۔
BREAKING:
Tiger roars at the Cricket World Cup to create historic reach for the YRF Spy Universe film!#Tiger3 will take over the India vs Pakistan match! #SalmanKhan has also shot for cricket World Cup thematic co-branded promos to run throughout the tournament across India… pic.twitter.com/zJ0kR8NYcK
— Manobala Vijayabalan (@ManobalaV) October 11, 2023
اسی انداز کو اپناتے ہوئے 14 اکتوبر کو پاکستان اور بھارت کے درمیان ہائی وولٹیج میچ کے دوران بھی سلمان خان ٹائیگر کے اوتار میں نظر آئے تھے۔ میچ سے قبل ٹائیگر تھری کا پرومو بھی جاری کیا گیا تھا جسے شائقین نے کافی پسند کیا تھا۔
واضح رہے کہ ریلیز سے قبل ہی ’ٹائیگر کا پیغام‘ مداحوں کی دھڑکنیں تیز کرچکا تھا جبکہ آج 16 اکتوبر کو فلم کا ٹریلر بھی جاری کیا گیا ہے جس کا شائقین کو بےصبری سے انتظار تھا۔
Tiger and Zoya are back – to save the country and their family. This time, it’s personal!
Watch #Tiger3Trailer now – https://t.co/BRBc9Xxrw1 #Tiger3 arriving in cinemas on 12th November. Releasing in Hindi, Tamil & Telugu.#YRF50 | #YRFSpyUniverse pic.twitter.com/rktO5IRmC2— Yash Raj Films (@yrf) October 16, 2023
بھارت میڈیا رپوٹس کے مطابق یش راج کے بینز تلے بننے والی سلمان خان کی فلم ٹائیگر 3 کو اسی سال دیوالی پر ریلیز کیا جائے گا جب کہ خبروں کے مطابق اس میں شاہ رخ خان بھی ایک چھوٹے سے کیمیو رول میں نظر آئیں گے۔
