فلوریڈا: امریکی گالفر ٹائیگر ووڈز کا کہناہےکہ فلوریڈا میں ڈرائیونگ کے دوران ان کی گرفتاری کی وجہ شراب نہیں تھی بلکہ دوا کا غیر معمولی ری ایکشن تھا۔
تفصیلات کےمطابق امریکی گلوکار ٹائیگروڈز پر نشہ آور اشیا کے استعمال کے بعد ڈرائیونگ کرنے کا الزام لگا تاہم ان کا کہنا ہے کہ یہ ڈاکٹر کی تجویز کردہ دوا کا غیر معمولی ری ایکشن تھا۔
ٹائیگروڈز نے کہا میں نے جو کیا میں اس کی شدت کو سمجھتا ہوں اور اپنے فعل کی پوری ذمہ داری لیتا ہوں۔
.@TigerWoods addresses DUI arrest pic.twitter.com/EGDqoXNCKr
— Steve DiMeglio (@Steve_DiMeglio) May 29, 2017
انہوں نے اپنے اہلِ خانہ، دوستوں اور مداحوں سے معافی بھی مانگی اور کہا کہ وہ خود سے بھی بہت توقعات رکھتے ہیں۔
پولیس حکام کے مطابق 41 سالہ وڈز کو گرینج کے مقامی وقت کے مطابق صبح سات بجے جیوپٹر سے گرفتار کیا گیا۔ انہیں گرفتاری کے ساڑھے سات گھنٹوں بعد پالم بیچ کاؤنٹی کی جیل سے رہا کیا گیا۔
نشے میں ڈرائیونگ کرنے پر امریکی گالفر ٹائیگر وڈز گرفتار
یاد رہے کہ وڈز کی کمر کی سرجری ہوئی تھی اور گرفتاری سے قبل آنے والے بیانات میں انہوں نے کہا تھا کہ وہ بہت تکلیف سے گزرے ہیں اورحالیہ برسوں میں ان کی صحت اچھی نہیں رہی۔
واضح رہےکہ 14 بار گالف کے چیمپئین رہنے والے وڈزکو سنہ 2009 میں بھی ڈرائیونگ کے دوران غیر ذمہ داری کا مظاہرہ کرنے پر سزا ملی تھی۔
