پشاور : ٹک ٹاک انتظامیہ نے چیف جسٹس پشاور ہائیکورٹ کو خط میں کہا ہے کہ پاکستان میں توہین آمیز مواد سے متعلق پالیسی سخت ہے۔
تفصیلات کے مطابق توہین آمیز اور منفی مواد کی تشہیر پر ٹک ٹاک بند کرنے کی درخواست کے معاملے پر ٹک ٹاک انتظامیہ کی جانب سے چیف جسٹس پشاور ہائیکورٹ کو خط لکھا گیا۔
خط میں کہا گیا کہ ٹک ٹاک پر توہین آمیز مواد اور اسکی بندش کیس سے سے متعلق خبریں ملی ہیں، پاکستان میں توہین آمیز مواد سےمتعلق ٹک ٹاک کی پالیسی سخت ہے۔
خط میں کہنا تھا کہ ٹک ٹاک نے پی ٹی اے کوتوہین آمیزمواد ہٹانے کیلئے خصوصی پورٹل فراہم کیا ہے اور پورٹل پر رپورٹ شدہ توہین آمیز مواد کو ٹک ٹاک بلاک کرتا ہے۔
ٹک ٹاک انتظامیہ نے کہا کہ پی ٹی اے نے حال ہی میں کوئی توہین آمیز مواد رپورٹ نہیں کیا، ٹک ٹاک نے خود پی ٹی اے کو توہین آمیز مواد رپورٹ کرنے کی درخواست کی۔
خط کے مطابق ٹک ٹاک ایپ پاکستانی نہیں اور نہ ہی عدالتی کاروائی میں حصہ لینے کاکوئی فیصلہ کیا ہے، عدالت کو یقین دہانی کراتے ہیں نشاندہی پر ٹک ٹاک سےتوہین آمیز موادہٹایا جائے گا۔
