تازہ ترین

مزیدار تکہ بوٹی بنانے کی ترکیب

عید الاضحیٰ پر قربانی ہو اور مزے مزے کے پکوان نہ بنیں ایسا کیسے ممکن ہے، اسی لیے آج ہم آپ کو عید پر بنانے کے لیے چند مزیدار پکوانوں کی ترکیب بتا رہے ہیں۔

بیف تکہ بوٹی بنانے کی ترکیب

اجزا

بیف بون لیس: 1 کلو

پپیتا پیسٹ: 3 کھانے کے چمچ

کھانے کا تیل: 1 کپ

دہی: 1 کپ

کٹی لال مرچ: 1 کھانے کا چمچ

لال مرچ پاؤڈر: 1 کھانے کا چمچ

گرم مصالحہ: 1 چائے کا چمچ

زردے کا رنگ: 1 کھانے کا چمچ

زیرہ پاؤڈر: 1 چائے کا چمچ

دھنیا پاؤڈر: 1 چائے کا چمچ

لیموں کا رس: 2 کھانے کے چمچ

ادرک لہسن پیسٹ: 2 کھانے کے چمچ

اجوائن: 1 چوتھائی چائے کا چمچ

نمک: حسب ذائقہ

پودینے کی چٹنی کے اجزا

دہی: 1 کپ

سبز مرچیں: آدھا کپ

تازہ دھنیہ: 1 کپ

تازہ پودینہ: 1 کپ

لیموں کا رس: 2 کھانے کے چمچ

زیرہ پاؤڈر: 1 کھانے کا چمچ

لہسن کی جویں: 6 عدد

نمک: حسب ذائقہ

ترکیب

پودینے کی چٹنی کی ترکیب

ایک گرینڈر میں سبز مرچیں، دھنیے کے پتے، پودینے کے پتے، لیموں کا رس، زیرہ پاؤڈر، نمک اور تھوڑا سا پانی ڈال کر تمام اجزا کو اچھی طرح گرینڈ کر لیں اور چٹنی بنا لیں۔

تکہ بوٹی کی ترکیب

ایک باؤل میں بون لیس بیف، دہی، پپیتا، کٹی لال مرچ، لال مرچ پاؤڈر، گرم مصالحہ پاؤڈر، سرخ کھانے کا رنگ، زیرہ پاؤڈر، دھنیہ پاؤڈر، لیموں کا رس، ادرک لہسن پیسٹ، اجوائن اور نمک ڈال کر تمام اجزا کو اچھی طرح مکس کر کے 6 گھنٹے کے لیے میری نیٹ کر لیں۔

میری نیٹڈ بیف کو کوئلوں پر گلنے تک پکائیں۔

پودینے کی چٹنی اور سلاد کے ساتھ گرما گرم تکہ بوٹی سرو کریں۔

Comments

- Advertisement -