مختصر ویڈیو شیئرنگ کی مقبول ایپ ٹک ٹاک نے اپنے صارفین کے لیے زبردست فیچر پر آزمائش شروع کر دی ہے۔
ٹک ٹاک پر ویڈیو کا دورانیہ بڑھانے کے بعد دیگر سوشل میڈیا ایپس کی طرح اسٹوریز کا فیچر تیار کیا جارہا ہے۔
انسٹاگرام، فیس بک، اسنیپ چیٹ کی طرح اب ٹک ٹاک پر بھی صارفین اسٹوریز لگا سکیں گے اس فیچر کی آزمائش شروع کر دی گئی ہے اور تجزیے کے بعد اسے متعارف کروایا جائے گا۔
فی الحال اسے محدود پیمانے پر متعارف کروایا گیا ہے تاکہ فیڈ بیک حاصل کر کے اس میں مزید بہتری لائی جا سکے۔
TikTok Stories
what the… 😳 pic.twitter.com/PIUpKMhj0k
— Matt Navarra (@MattNavarra) August 4, 2021
دیگر سوشل میڈیا ایپس کی طرح ٹک ٹاک اسٹوری کی مدت بھی 24 گھنٹے ہو گی جو مقررہ مدت کے بعد ازخود ختم ہو جائے گی۔اسٹوری میں صارفین، تصاویر، ویڈیوز لگا سکیں گے۔
اس حوالے سے ٹک ٹاک نے بھی تصدیق کرتے ہوئے بتایا کہ محدود پیمانے پر اسٹوری آپشن کو متعارف کروا کر ٹیسٹنگ کی جارہی ہے۔
